Áramótin 2007-2008 ákváð fjölskyldan að láta græn fyrirheit verða að veruleika. Okkur langaði ekki að breytast í hippa á einni nóttu heldur gera þetta á okkar hraða og sem eðlilegast. Við byrjuðum á því að selja annan fjölskyldubílinn en lentum strax í ákveðnum vandræðum með framhaldið. Hvernig er best að flokka sorpið, hvernig kemur maður sér upp flokkunarstöð, hvað gerir maður við lífræna úrganginn, hvaða sorptunnulausn er best, hvernig hættir maður að nota plastpoka, hvaða vörur eru skaðlegastar umhverfinu og hverjar eru betri? Hvernig er best að spara rafmagn og aðra orkugjafa? Hvaða bækur og vefsíður henta fyrir íslenskar aðstæður? Við fórum líka að huga betur að fuglunum í garðinum okkar. Strákurinn okkar er yfir sig hrifinn af fuglunum og veit ekkert skemmtilegra en að fara út og gefa þeim og fylgjast svo með þeim úr eldhúsglugganum.
Engin ummæli:
Skrifa ummæli